Yağmur olmaq istəyirəm...

Yağmur olmaq istəyirəm... 

Asimanı tərk edərək, 

yerə enmək istəyirəm... 

    Bir çiçəyin ləçəyinə, 

bir sərçənin dimdiyinə,

 bir körpənin kipriyinə 

mən toxunmaq istəyirəm... 

Bir gözəlin saçlarında, 

bir şüşənin arxasında, 

bir yarpağın yanağında 

daş-qaş olmaq istəyirəm... 

Ulduz olmaq istəyirəm... 

Yağmur olmaq istəyirəm...

 Sellər olub qəlblərdəki 

kiri-pası axıdaraq, 

pak bir dünya qurmaq üçün, 

qırıqları sarmaq üçün, 

göz yaşların yumaq üçün 

yerə enmək istəyirəm...

 Yağmur olmaq istəyirəm... 

Yağıb-yağıb göllənərək,

 küçədəki pişiklərə, 

ağacdakı quşcuqlara su içirmək,

 kola-kosa həyat vermək, 

çox sevilmək istəyirəm... 

 Yağışımı seyr edənə,

 islanaraq isinənə, 

çətirlər sipər edənə 

huzur olmaq istəyirəm...

 Yağmur olmaq istəyirəm...