Mim - Uşaqlığıma məktub

   Güncəlləmə : Bu həftə yeni bir yazı yayınlamaq istəmədim. Çünki 1 həftə boyunca mimlədiyim bloq dostlarımın hamısına xəbər etmək imkanım olmadı. Yazımın köhnəlməsini istəmədim.😊
  

•    Yeni yazımın əvəzinə bloq dostlarımın adlarının üzərinə tıklayaraq onların da uşaqlıqlarına yazdıqları məktubları oxuya bilərsiniz.❤  

    Salam olsun bütün yazımı oxuyan canlara. Ümid edirəm ki, hamınız yaxşısınız. Yeni bir mim yazısı ilə döymək istəyirəm bloq dostlarımın qapısını. Baxaq görək bu dəfəki mim də bəyəniləcəkmi?

   Mimin mövzusu belədir: Təsəvvür edin ki, sehirli bir poçt qutusu ixtira olunub. Bu qutu sayəsində uşaqlığınıza, xüsusən, 10 yaşınıza məktub yazıb göndərə bilmək imkanınız var. Belə vəziyyətdə məktubunuzda nələr yazardınız, 10 yaşlı sizin sonradan qarşılaşacağı çətinliklərlə bağlı hansı xəbərdarlıqları edib ona hansı məsləhətləri verərdiniz? 

   Sizcə də bir az beynimizi qızışdıracaq, maraqlı bir mövzu deyilmi?

 
   Siz 10 yaşlı məsum uşaqlığınıza yazacağınız məktubu fikirləşərkən mən öz məktubumu yazmağa başlayıram. Hər kəsə uğurlar 😊❤ 

   Merhaba canım blog arkadaşlarım. Yine bir mim yazısı ile çalmak istedim kapınızı. Umarım konusunu sever, hepiniz mimi yaparsınız. 

   Mimin konusu şöyle : Sihirli bir posta kutusu icat olunduğunu düşünün. Bu kutu sayesinde çocukluğunuza, özellikle 10 yaşınıza mektup gönderme imkanınız var. Bu durumda mektubunuza  neler yazardınız? 10 yaşlı kendinize sonradan karşılaşacağı zorlukları rahatça atlata bilmesi için hangi uyarılarda bulunur, nasıl öneriler verirdiniz?

   Sizce de bir az kafa çalıştırmalı, ilginç konu değilmi? Mimlenen arkadaşlardan en az 3 kişiyi mimlemesi şiddetle rica olunuyor. Buraya mimlediyim arkadaşların isimlerini bırakıyorum. Şimdiden mimi yapacağınız için teşekkürler.

Bir

Sade ve Derin

Kəlimələrin gücü

Sessiz kaldım
Birpembesever
Şemsiyenin altındakı kız
Daha mutlu yaşam
Kiremithanem
Deli kızın bohçası
Yüreğimin iklimi
Cafe Tigris
Ayna hikayesi
Burası hayal kahvesi
Kağıttan dünyam
Farklı diyarlar
Pudra şekeri'M

Ve mimi okuyup da yapmak isteyen herrr kes :) 

   Şimdi siz 10 yaşlı masum çocukluğunuza yazacağınız mektubu düşünedurun, ben de kendi mektubumu yazmaya başlayayım.

"Salam 10 yaşlı mən!

   Çox güman ki, bu məktubu aldığında təəccüblənəcək, nə baş verdiyini anlamaqda çətinlik çəkəcəksən. Narahat olma, sənə gələcəkdən 35 yaşında olduğun bir zamandan yazıram. 

  Bu çox həyəcanlı deyilmi?! Sənə nədən yazım, nədən danışım. Əvvəl gələcək həyatınla bağlı bir neçə ipucu verimmi? Yaxşı çox qısa və sürətli şəkildə məlumat verim sənə. 

   İndi çətin bir dövrdə, müharibə şəraitində yaşayırsan bilirəm. Gələcəklə bağlı bir sıra əndişələrin var. Bizim də daimi evimiz, məktəbimiz olacaqmı?  Bu köçhaköçün sonu gələcəkmi?- deyə maraq edirsən.

   Bitəcək, bir az daha dişlərini sıxmalı olacaqsan. Bir müddət sonra hər şey düzələcək. Geri dönməsək də yavaş-yavaş yerləşib, öyrəşəcəyik yeni yerlərə. Amma onu da bil ki, heç bir yer sənə öz evimiz qədər doğma gəlməyəcək. Bunu yazdığıma təəssüf edirəm, amma ən azı 35 yaşına qədər bir daha o torpaqlara dönməyəcəksən. Amma üzülmə həyat yenə də yaşamağa dəyər. 

   0Yeni məktəblərdə oxuyacaq, yeni dostlar qazanacaqsan. Bakıda məktəbini dəyişdirib ikinci  məktəbə gedəcəyin zaman ilk vaxtlar bir az çətin olacaq Anara və sənə. Yaxşı oxuduğunuz və yeni olduğunuz üçün uşaqlar və bəzi müəllimlər tərəfindən təklənəcəksiniz. Özünü qərib və köməksiz hiss edəcəyin zamanlar olacaq. Amma heeç narahat olma bu çox qısa sürəcək. Tez bir zamanda seviləcək, hər kəsin sevimlisinə çevriləcəksiniz.

   Həyatındakı böyük dəyişikliklər gözlədiyindən daha tez bir zamanda və çox şey bir arada baş verəcək. Birdən oyanacaqsan ki, artıq bambaşqa bir həyatın içərisindəsən.

Narahat olma, bu dəyişiklik yaxşılığa doğru olacaq. Tələbəlik, evlilik və analıq...

 Məktəbi bitirdikdən sonra xəyalını qurduğundan tam fərqli bir ixtisas seçəcəksən. İnsanların həyatını qurtaran həkim deyil, insanlara həyatı öyrədən müəllimlik ixtisasını seçəsi olacaqsan. "Niyə? Necə?" təəccüblə soruşduğun sualları illər sonrasından eşidirəm sanki :)

   Bu bir az qarışıq məsələdir. Özün yaşayaraq görəcəksən. Həyatındakı bir çox qərar kimi bu da ani olacaq. Və bu ixtisas üzrə oxumağının ən bəyənəcəyin yanı bol-bol bədii əsər oxumağın olacaq. Üzünə qonan təbəssümü görürəm. 😊

Tam xəyalındakı adamla qarşılaşacaqsan... Onunla həyatını birləşdiriyin üçün heç vaxt peşman olmayacaqsan, amma bir az vaxtından tez olacaq. Bunu dəyişdirə bilərsənmi bilmirəm. 

   Bir-birindən şirin övladların olacaq...  Hər biri gəlişi ilə yeni bir rəng qatacaq həyatına. Hər gün varlıqlarına şükür edəcəksən. Nəhayət, arzusunda olduğun böyük bir ailəyə sahib olacaqsan. 

   
   Təsəvvür etdiyin iş qadını profilini yadından çıxar. Bir ara qısa müddət tam da xəyal etdiyin kimi bir işin olsa da həyatında bir çox şey kimi bu müddət də qısa sürəcək. Dilədiyin kimi bir iş qadını olmayacaqsan(ən azından 35 yaşına qədər). 

   Amma qəti üzülmə, inan mənə bu heç önəmli deyil. Zamanla özün də anlayacaqsan. Övladlarına, ailənə, özünə, kitab oxumağa ayıracağın vaxt, rəfiqələrinlə heç bir maneə olmadan istədiyin vaxta görüş təyin edə bilmək, səyahət və fərqli aktivitələr üçün icazə və minnətsiz gedə bilmə imkanının olması çox daha önəmli deyilmi?

   Ara-sıra səyahətlərin olacaq...  Fərqli ölkələr görəcək, fərqli mədəniyyətlər tanıyacaqsan... Hmmm... Çoxmu həyəcanlandın?!.. 

   Hələlik bu qədər bəsdir məncə. Çatma qaşını... Hər şeyi anlatsam marağı qalmaz ki...

   Bəzi məsləhətləri verib, bəzi xəbərdarlıqlar etmək istəyirəm sənə. Xahiş edirəm bu hissələri diqqətlə oxu.

  Hər şeydə tələskənsən, bu həyatın boyu belə olacaq. Həyatınla bağlı alacağın ən vacib qərarları belə çox götür-qoy etmədən alırsan. Bu bəzi zamanlar problem çıxaracaq sənə. 

   Sakit ol, bir işə başlamadan, bir qərar almadan yüz ölçüb, bir biç. Xəyal dünyasından ayrıl bir az. 

   Hər kəsə güvənmək, hər kəsin sadəcə yaxşı yönlərini görmək gözəl xüsusiyyətdir, amma bu bəzən səni xəyal qırıqlığına uğradacaq. Hadisələrə və insanlara obyektiv yanaş. 

   Və qorxma. Fikirlərini açıq ifadə etməkdən çəkinmə. Kiminsə qəlbi qırılacaq deyə, səndən uzaqlaşacaq deyə narahat olma. Bir şey haqqında mənfi rəy söyləmək səni pis insan etmir anla bunu. 

   Böyümək, həyatını dəyişmək üçün can atma. Uşaqlığının qədrini bil. Bu qədər qayğısız və rahat hiss edəcəyin zaman bir daha olmayacaq. Ailənə güvən və onları daha çox sev. 

   Müharibənin uşaqlıq xatirələrini parça-parça etməsinə izin vermə. Yaşadığın hər şeyi yaxşıca yadında saxlamağa çalış, hətta kiçik bir günlük tut deyərdim, çünki unutqansan. Sonra uşaqlığınla bağlı çox az şey xatırlayacaqsan.

   Məktubu şən notlarla bitirməyi çox istəyərdim. Sonda deyəcəyim şeyin sənə necə təsir edəcəyini uzun illər sonrasından təsəvvür etmək o qədər də çətin deyil. Buna görə məni bağışla. Amma bunu yazmağa məcburam. Sonra mənə təşəkkür edəcəksən.

  

   Ataya daha çox sarıl, onunla daha çox söhbət et. Onu tez itirəcəksən. Qoxusuna, səsinə, gülüşünə həsrət qalacaqsan. Onu nə qədər çox sevdiyini söylə, həyatındakı önəmini anlat. Gözəl gələcəyinizdən danışıb nigarançılığını yatır. Onsuz günlərində burnunun ucu göynəyəndə təsəlli olacaq bunlar sənə. Amma narahat olma yenə yaşayacaqsan... 

   Həyat davam edəcək, sənə bağlı dörd övladın üçün yaşayacaqsan...

   Məndən bu qədər... Kim bilir bəlkə sən də bir gün məktub yazarsan. Saflığımı, səmimiyyətimi, kövrəkliyimi xatırladarsan mənə. Unutduğum xəyallarımdan, arzularımdan danışıb, onları həyata keçirməyim üçün həvəsləndirərsən. Mən səni çox sevirəm. Sən də özünü sev oldumu?

Çalış 35 yaşından da çox yaşa :) Sevgilər..."