Təşəkkür postu

                           

Salam əziz dostlar, əziz bloqqerlər!
 
   Ah bu bir neçə gün necə çətin keçdi mənim üçün anlatmaqla bitməz. Tam bayram günü o vurhavurun arasında bir post hazırladım bayramla əlaqədar. Mən bloqqerin mobil variantında yazıram həmişə yazıları. Rəsimləri falan da yükləyib sonra Chromla bloqqer səhifəmi açıb düzənləyib yayımlayıram. Bayram postumu düzənləmək istədiyimdə bir baxdım bütün yazılar yox olub.
Sadəcə rəsimlər və yazıların yerinə nazik xətlər görünür. Yaxınlaşdıranda xətlərin kiçilmiş hərflər olduğunu gördüm. Sonra bloqumu açdım bütün postlar eyni şəkildə. Başqa telefondan baxdım problem yox. Etmədiyim qalmadı düzəlmədi ki, düzəlmədi.  Ən pisi başqa bloqlar da eyni şəkildə görünürdü telefonumda. Yəni izlədiyim bloqları da oxuya bilmirdim.
               
   Nə edim, kimdən yardım istəyim deyə düşünüb durdum. Sonra Google+ dan duyurmaq gəldi ağlıma. Yazdım. Sağ olsun Dağınık anne və Deryada Damla bir iki yol göstərdilər. Yoxladım olmadı. Sonra Sosyal Medya Kafe saytına həm iletişim mesajları qismindən, həm də yorum olaraq yazdım. Sonra səbrim çatmadı instagramdan duyurdum :) Neyləyim bir an öncə problem həll olsun istəyirdim. Bir daha bloquma girib yazı yaza və sevdiyim bloqları oxuya bilməyəcəm deyə çox qorxdum.  Ordan da yenə çox çox sağ olsunlar Deryanın spor günlüğü və Derin ve Sade diqqətlərini əksik etmədilər.
                         
                    
   Həmin gün Sibel xanım ( Sosyal Medya Kafe) instagramdan mənimlə əlaqəyə keçdi. Bir-iki məsləhət verdi. Ona da nə qədər təşəkkür etsəm az.  Yenə telefon əlində olanda insan ora-bura basıb müşkülü həll edə bilir. Belə uzaqdan heç nəyi görmədən problemin həllini tapmağa çalışmağın nə qədər çətin olduğunu başa düşürdüm. Ona görə bir az ümidsizləşirdim də doğrusu. Sonra Sibel xanım telefonumla markası eyni olan Değmesin yağlı boya daha çox yardımcı ola bilər deyərək ona yönləndirdi məni. Nə yaxşı ki, yönləndirib.

   Dünən axşam instagramdan onunla mesajlaşdıq.  Mənə nə etməm lazım olduğunu yazdı. Həm də rəsimlərlə :) Sadəcə Chroma gedib keçmiş qismindən yaddaşı təmizlədim. Vəəə hər şeydən əlimi üzüb, artıq düzəlməz deyə düşündüyüm halda, problem bu qədər asan bir yolla həll oldu. Ona olan minnətdarlıq duyğumu siz düşünün artıq :))

   Mən də belə bir postla mənim problemimlə maraqlanan və diqqət göstərən, problemin həlli üçün zaman ayıran hər bir kəsə çoxlu-çoxlu təşəkkür etmək istədim.  Yaxşı ki, varsınız. Sağ olun var olun. və hər zaman belə yardımsevər qalın :))