10 Aralık 2019 Salı

Payızın tilsimində...



   Artıq payızla vidalaşmış olsaq da, o sarı sehir tərk etmiş olsa da bizi instagramdan yayımladığım bu şeirim bloqumun da yaddaşında qalsın dedim.


Payızın tilsimində

Dörd yanımda payızın qızılı rəng çələngi,
Müdrikliyə köklədi mənim də ovqatımı
Ağaclardan yerlərə zər yağışı ələndi
Çapdım bu yağış altda, səhifələrdə atımı.

Yeni həyat başladı  dəyişdikcə varaqlar
Başqa bir insan olub unutdum öz halımı
Yoxsa arabir düşən bu qızılı yarpaqlar 
Mənim yeni dərdimin gizli göz yaşlarımı? 

Hər səhifə bir ümid, bir sevinc, bir kədərdi.
Orda gördüm matəmi, orda gördüm bayramı.
Gözlərimin önünə bütün ömrümü sərdi,
Gah məlhəm oldu mənə, gah sızlatdı yaramı.

Bir aşiqin qəlbi tək üzdüm eşq dəryasında, 
Rəngli çərpələng olub ağ buludlarda azdım.
Qələm oldum səhifələr, vərəqlər arasında
Xəyalımı, arzumu, həyat yolumu yazdım...

Bir az payız məstliyi, bir az kitab qoxusu,
Sandım ki, zaman durub bax indicə, bu anda.
Bir- bir ağacdan düşən yarpaqların yuxusu
Tilsimləyib məni də meşənin ortasında...

Heç bitməsin istədim bu xəyalvari anlar,
Gülümsədikcə günəş yarpaqlar arasından.
Xəzanın sehri, kitab, bir də ilıq duyğular
Qəlbimə həkk olundu xoş payız tablosundan...

Umman Aslan.









8 yorum:

  1. Çok güzel yazmışsın canım :)

    YanıtlaSil
    Yanıtlar
    1. Teşekkür edirem, beyenmenize çox sevindim 🤗❤😘

      Sil
  2. duygulu ve etkileyiciiii :)

    YanıtlaSil
    Yanıtlar
    1. Çoox sağ ol birdenemiz. Minnetdaram.🥰❤😘😘😘

      Sil
  3. Çok güzel bir şiir, fotoğrafları kelimelere dökmüşsün. Ben de orada olsam tam aynı hisleri yaşardım :)

    YanıtlaSil
  4. Ona eminem😊 Duyğularımız ve zövqlerimiz o qeder benzerdir ki,bezen ruh ekizi olduğumuzu düşünürem.❤😘

    YanıtlaSil
  5. Çok güzel bir yazı olmuş. Emeğine sağlık :)

    YanıtlaSil
  6. Minnetdaram. Çox sağ olun.❤😘

    YanıtlaSil