İsmayıl Acarkan / Enneagram

 ✔ " İnsan özünü bir dəfə tapdımı, artıq yer üzündə itirəsi heç nəyi yoxdur. Və öz içindəki insanı bir dəfə anlayan kəs bütün insanları anlayar."

Stefan Sveyq   

   Bir yazımda ennegram testi edərək hansı tipə aid olduğumu tapdığımı və bunun məni özümü tanıyıb, kəşf etməkdə nə qədər çox işə yaradığını qeyd etmişdim. Bu tip bölgüsünə olan etimadım kitab vasitəsi ilə daha da artdı. Oxuduqca testə ehtiyac duymadan bütün ailə üzvlərinin hansı tipə aid olduğunu müəyyənləşdirmək mənə ayrıca zövq verərək kitabı daha da keyiflə oxumağıma səbəb oldu.  Kitabda bir çox xırdalıqlarına görə tiplər təsnif edilir və bu tərz kitabların əksinə  olaraq kifayət qədər oxunaqlı və maraqlı bir çalışmadır deyə bilərəm. 

   Hələ də tipinizi bilmirsinizsə testin linkini təkrar bura qoyuram. Testi edin və öz tipinizin xüsusiyyətlərini tapıb öyrənin. Bu çox işinizə yarayacaq. 

Seçdiklərim:

▪︎"Düşünmək asandır, eləmək çətindir. Ən çətini isə düşündüyün kimi davranmaqdır" 

                                        Aristotel

▪︎"Zamanın qarşısını almaq mümkün deyil. Bir səhv edəndə zamanı geri qaytarıb əvvəldən başlaya bilmərik. Bircə iş görə bilərik, o da indiki zamandan səmərəli istifadə etməkdir."

                                       Dalay Lama

▪︎ "Hər şeyi gör, diqqətlə izlə, bir az dəyişdir." 

                                       II Con Pol

▪︎"O insan ki, gördüyü işlərdə heç kimin qüsur tapmamasını istəyir, o heç bir iş görə bilməz."

                                       H.Nyumen

▪︎Bəlkə də bu gün qarşıya qoyulan məqsəd nə olduğumuzu kəşf etmək deyil, nə olduğumuzu rədd etməkdir.

                                        Mişel Fuko

▪︎Düşünürəm, deməli, varam.

                                                Dekart

▪︎Qorxulardan qaçmaq onları böyütməkdən başqa bir işə yaramır.

                                                   Freyd

▪︎Pəncərəniz kirlidirsə, çölə çıxıb mənzərəni parıldatmağın mənası yoxdur.

                                       Riçard Vilkins

▪︎Gücə arxalanmayan ədalət aciz, ədalətə söykənməyən güc isə zalımdır.

                                            Paskal

▪︎Təxirə salmaq həyatı əldən verməkdir.

                                       Vindi Draydin

▪︎Suya düşdüyünüz üçün deyil, sudan çıxa bilmədiyiniz üçün boğulursunuz.

                                      Edvin Luis Kol

▪︎İrəli addımlamaq istəyirsənsə öz yolunu kəsmə.

                                           Nitsşe