"Kitab oxumaq bizə nə qazandırır?" deyə soruşsaq cavab siyahısı əslində o qədər uzun olar ki...
Uşaqlığımdan bəri oxumağı çox sevmişəm. Amma mənə qazandırdıqlarını hələ bu günlərdə dərk edə bilirəm. Və onu da bilirəm ki, kitab oxumağın insana hiss etdirdiklərini dillə izah etmək təəssüf ki, mümkün deyil. Bu duyğuları sadəcə iki kitab oxuyan bir-birinə ötürə bilir. Çünkü bu hissləri, duyğuları öncədən tanımaq lazımdır ki, anladılınca məsələdən hali olsun. Daha öncə həmin duyğuları bədii bir dillə Oxumaq (klikləyin) adlı yazımda təsvir etməyə çalışmışam.
O ki, qaldı konkret şəkildə qazandırdıqlarına, aşağıda sadəcə bir qismini qeyd etməyə cəhd etmişəm. Əminəm sizdə də bambaşqa bəndlər vardır. Odur ki, şərhlərdə yazın onları da bilək...
▪️Kitab oxumaq zehnimizi açır.
▪️Xəyal gücümüzü qüvvətləndirir
▪️Oxumaq bizə həyatı sevdirir.
▪️Bilgi dağarcığımızı və söz xəzinəmizi zənginləşdirir.
▪️Anlama və danışma qabiliyyətimizi inkişaf etdirir.
▪️Dünyagörüşümüzü artırır və bizi keyfiyyətli insan edir
▪️Kitab oxuduğumuzda stressli vəziyyətlərdəki reaksiyalarımız daha sağlam və davranışlarımız daha müdrikanə olur.
▪️Oxumaq bizə empatiya qazandırır, başqalarının duyğularına hörmət etməyi öyrədir
▪️Dünyaya qarşı baxışımızı dəyişdirir. Hadisələrə fərqli bir pəncərədən baxa bilməyimizə imkan yaradır.
Hiç yorum yok:
Yorum Gönder