Yenə gəldim :)

    Bəli... Gəldim... Buralardayam...
   Döndüm dolaşdım yenə bloqumda tapdım özümü...

   Arada gəlirəm. Bir şeylər qaralayıram bura. Sonra gələcəm deyə söz verib yenə qeyb oluram 😑

  Bu aralar çox şey keçdi həyatımdan... Acı, şirin... Qazanclar və itirdiklərim...

Haralardayam?

    Sevdiyim, sevdiciyim, öz dünyam, blog aləmim, salamlar!

   
   Uzun müddətdir arabir yolumu salıb nəzər yetirsəm də, yazmıram bloqumda.
Buralar üçün necə darıxdığımı təsəvvür belə edə bilməzsiniz. Hələ bir də günün müəyyən saatlarında  südlü qəhvəmi yudumlayarkən sakitcə kitab oxuduğum zamanları necə özləyirəm, ah necə...

Bloqum 2 yaşında

         

    Hər kəsə yeni ilin ilk gününlərindən salamlar. Bir göz qırpımında bir il də beləcə gəlib keçdi. Mənim üçün sevmədiyim bir il oldu ötən il. Yerimdə saydığım, bir addım belə irəliləmədiyim sıxıcı bir il...

   Bambaşqa hədəf və arzularla girdim yeni ilə - bir çox qərarlar alaraq.

   Və körpə bloqum artıq iki yaşına qədəm basdı. Çox daha təntənəli bir yazı ilə qeyd etmək istərdim yeni yaşımızı. Amma bloqumda da istədiyim irəlləməni əldə edə bilmədiyim üçün, ara-ara onu tərk edib yalnız buraxdığım üçün içimdən gəlmədi.

Yeni sezon başladımı???

        

   Salam olsun bu yazını oxuyan bütün canlara. Yay tətiliniz yaxşı keçirmi? İstilərlə aranız necədir? :)

   

   Bizi soruşsanız şükür yaxşıyıq. Uzun müddətdi yoxam buralarda. Nə yazı yaza bilirəm, nə də başqa bloqları oxuya. Səbəb və ya səbəblərini tam olaraq bilmirəm amma bir neçə şeyə bağlayıram yaza bilməməyimi.

   

   Tam Ramazan bayramı günü ailəmizdə gözlənilməz çox üzücü bir hadisə yaşandı. Çox xırdalığına gedib təkrar o anları xatırlamaq istəmirəm. Çox şükür sonradan dualarımız və Rəbbimin rəhməti ilə hər şey yoluna düşdü.