9.Mim - Məni mən edən sevdiyim şeylər

  

 Ən sevdiyim mövsümün ən sevdiyim ayından salamlayıram sizləri canlar...               

   Bahar gəlib çatdı yurdumuza şükür... Yaşasın günəşli, çiçəkli-böcəkli bahar günləri !!! Novruz bayramını necə böyük həvəslə gözləyirəm anladamam.

   Bir müddətdir bir çox bloqda bir mimlə qarşılaşıram. Doğrusu kimin başlatdığını bilmirəm. Axtarıb tapmağa da bir az tənbəllik etdim. "Məni mən edən sevdiyim şeylər" adlı bu mim yazılarından elə ilkini oxuduqda mən də yazacam dedim.
Çünki mim yazılarındakı suallar doğurdan da çox vaxt bizim durub içimizə yönəlməyə, indiyə qədər özümüzə də etiraf etmədiyimiz, düşünmədiyimiz cavabları verməyə səbəb olur. Mim yazılarını sevdiyimi artıq 2024-cü dəfə  qeyd etdikdən sonra keçirəm sevdiyim şeylərə 😊⬇️

Qəhvə qoxusu...☕

Sobada bişməkdə olan və bütün evi dolduran vanelli keks qoxusu...🍮

Eyni zamanda nərgiz və yasəmən qoxusu...🌼

(Qoxularla işimiz bitdiyinə görə, keçək digərlərinə :))

Südlü qəhvəmi qurtum-qurtum içərkən kitab oxumaq və ya  pəncərədən çölü seyr etmək...🍵

Browni,kakaolu islaq keks,bitter şokolad (ən tündündən)  kimi məni məndən alan dadlar :)🍫

Çiçəkdən çiçəyə uçan rəngbərəng kəpənəklər( mətbəximdə divardan soyuducuya, stor pərdəyə qədər hər yerdə bunun izlərinə rast gələ bilərsiniz  :))🦋 

Hər yeri yamyaşıl örtük və gül-çiçəklə gözəlləşdirən, ilıq günəşli bahar günü...☀️

Qızmar günəşli, isti bir yay günündə siestadan sonra canlanan kənd həyatı...🏡

   Sevdiklərimə ən çox istədikləri şeyi alıb onlara surpriz edərkən üzlərindəki ifadə...🙆‍♀️

Heç gözləmədiyim halda mənə edilən surprizlər...😗 

Balalarımı qucaqlayıb doyunca öpmək(xüsusən, ən məsum olduqları zamanda, gecə yuxusunda :))😚

Hər kəsin bacaracağıma şübhə ilə yanaşdıqları məsələlərin öhdəsindən haqqıyla gəldiyimdə keçirdiyim qürur hissi... :)😎

Evimə yeni bir əşya almaq...

Sakit-səssiz bir məkanda və zamanda kitab oxumaq( və ya oxuya bilmək :))📚

Arada özümlə baş-başa qalmaq...💆‍♀️

Şəlalənin gurultusu, çayın şırıltısı, yağışın tıppıltısı... Qısacası, su səsi...🌊

Ən sevdiyim mahnını bezənə qədər təkrar-təkrar dinləmək :) 🔊🎶

Kefimə düşəndə, təkbaşına ikən, telefonumda qarışıq şəkildə dinlədiyim hər növ musiqiyə(slow, ritmik, arabesk, ağlınıza gələn hər növ) uyğun rəqs etməyə çalışmaq(çox əyləncəli olur:) 💃

Ağ süfrə salınmış masada, büllur güldan içərisindəki təravətli güllər...💐

Geniş bir otaqda, böyük bir pəncərədən asılmış və küləyin xəfif-xəfif oynatdığın tül pərdə...

Səyahət etmək...

Fərqli mədəniyyətlər və fərqli mətbəxlər tanımaq...

Rəsim çəkmək, boyamaq, eyni zamanda fotoları editləmək və sair və ilaxır...

Bu  beləcə uzanıb gedər...

Təbii ki,bunların hamısı dünyəvi sevgi və istəklərdir...

Bir də Rəbbimin məni sevdiyinə inanmaq , O'na sıxıntılı anımda əl açacağımı və məni duyacağını bilmək, Peyğəmbərimizin(s.ə.s) bizim üçün şəfaət edəcəyinə ümid etmək, Quranda vəd olunan surpriz və müjdələri xəyal etmək var ki, bu gözəllikləri nə saymaqla, nə də sevməklə bitməz...